Gobernador Refunjol a mustra aprecio pa e initiativa di e comision na Corsou pa envolvi un gran artista Arubiano den su proyecto.
Padu Lampe a presenta disco compacto na Gobernador
By Servicio Informativo di Gobierno
Sep 12, 2005, 20:27 UTC
ORANJESTAD (BUVO) - E conocido artista, musico, compositor Padu Lampe, miho conoci como Padu del Caribe, a presenta un disco compacto na Gobernador señor Fredis Refunjol.
E disco ta contene diferente composicion cu Padu a graba den pasado riba disco. E proyecto ta di Comision Cultural Misa di Forti na Corsou y e benta di e disco ta pa recauda fondo pa mantencion di e monumento Fortkerk na Corsou.
Tabata presente na e ocasion aki señor Selwyn Maduro kende a percura pa pasa e grabacionnan over di disco longplay pa disco compacto y señora Millicent Smeets-Muskus di e Comision Cultural Misa di Forti na Corsou.